الف مبرووووك

استعرض الموضوع السابق استعرض الموضوع التالي اذهب الى الأسفل

الف مبرووووك

مُساهمة  محمد الفاتح حسونة في الأربعاء فبراير 25, 2009 2:48 pm

نبارك للاخ العزيز محمد عوض(منقولي) بمناسبة تعيينه في بنك السودان المركزي ونتمني له حياة عمليه سعيدة وكلها تفوق وانشاله طوالي للامام وعقبال الباقين.

محمد الفاتح حسونة
البرونزية
البرونزية

عدد الرسائل : 29
العنوان : مدني-حي ناصر
تاريخ التسجيل : 17/07/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  لينكساوي في الخميس فبراير 26, 2009 2:16 pm

ألف ألف مبروك لي اخونا منقة ... ودائما للامام انشاء الله
والله يا منقة لو عينوك مدير البنك زااااااااااااتو وادوك القروش الفيه كلها شوية عليك يا غالي
ونصيحة ليك والله ما دام ربنا فرجها شوف المرة سريييييييييييييييييييييييييييييييييييييييع (-;
واول حاجة تعملها توقف التمويل الماشي لي جامعة الجزيرة "عشان ما اشتغلوا بي زول" دخلهم في الخطأ العشوائي او العب في برمجة السستم هههههههههههههههههههههههههههه

الشكر ايضا لي البروف محمد الفاتح ... مشكور على الخبر السار

وعقبال الجميييييييييييييييع انشاء الله

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الف مبروك ياااااااااااااااااااااااااااااااا

مُساهمة  انجمينا في الخميس فبراير 26, 2009 7:46 pm

الف مبروك على العمل في بنك السودان وعقبال البقية ...........

يا معلم ما تنسى الناس وتقول اشتغلت اعمل حسابك قالوا ناس بنك السودان خفس بمعنى كلمة خفس ما مزح. شنو يا لينكساوي داير تورط الراجل ولاشنو لكن ما مشكلة وعقبالك انت يا لينكساوي,,, لينكساوي قاليك عرس معناتها حا تدخل القفص الذهبي نقول شد حيلك يا رجل والف مبروك مقدما وكمان للقُصيرة هاهاهاهاها.

شنو يا جانكو واين انت من الدنيا إلا المنقولي وناس مدني .....
الكلام دا ماهو عتاب شوق او ما عارف كيف اوصفو .
راسلونا يا جماعه..........................
...................... Very Happy Very Happy Very Happy Very Happy ........................

انجمينا
البرونزية
البرونزية

عدد الرسائل : 35
العمر : 33
تاريخ التسجيل : 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  لينكساوي في الجمعة فبراير 27, 2009 9:24 pm

اخونا انجمينا ... كيف الحال ... مشتاقين عديييييييييييل والله
والله منور المنتدى ووينك انت يا راجل
وانشاء العقبة للجميييييييييييييييييييييييع ... وعقبال نزور الجميع في بيتهم


دمتم بود (-;

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شوقنا بحر ودموعنا مطر......

مُساهمة  انجمينا في السبت فبراير 28, 2009 10:35 am

والله واحشنا يا سيد لينكساوي ها اخبارك شنو عامل شنو حسع شغال ولا عاطل او قاعد تحضر
ماجستير , كيف الدنيا معاك دكتك ولا لسه يا مستر بالتوفيق ما تنقطع مننا ...
لو بتقعد في الماسنجر وريني الوقت البتقعد فيهو اوكي ....

شكرا لك كتييييير ............

انجمينا
البرونزية
البرونزية

عدد الرسائل : 35
العمر : 33
تاريخ التسجيل : 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  عبدالعظيم في السبت فبراير 28, 2009 12:21 pm

بسم الله الرحمن الرحيم
السلام عليكم يا دفعة انشاء الله دائما طيبين ولي امانيكم محققين (حلوة مش كده)
حقيقة سررت كثيرا عند قراءتي خبر تعيين البروف محمد عوض فهو يستحق اكثر من هذا والله
الفففففففففففففف الففففففففففففففف مليون مبروك واتمني لك السعادة في هذه الوظيفة
وكما قال ليك لينكساوي (مين لينكساوي ده ) شوف الخطوة التالية وربنا يوفقك والعقبة للجميع
انجمينا وين انت يا ولدنا الشوق الشوق 000انت ما بتجيش ليه 0000ما تبقي تيجي 000
حبيبنا رقراق ليك وحشة والله وانا اقول المنتدي ما منور ليه اليومين ديل
اخونا هبيكه شنو الغيبة 000الخبر شنو

تلويجة
so don't surrender cause you can win in this thing called love
and that is the way it is
وتحياتي للجميع
واما بعد


اللهم صلي علي سيدنا محمد بقدر من صلي عليه
اللهم صلي علي سيدنا محمد بقدر من لم يصلي عليه


عدل سابقا من قبل عبدالعظيم في السبت فبراير 28, 2009 12:31 pm عدل 1 مرات (السبب : تغيير مكان تلوجة للاعلي فقط)

عبدالعظيم

عدد الرسائل : 6
العمر : 35
تاريخ التسجيل : 11/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  محمد الفاتح حسونة في الأحد مارس 01, 2009 11:02 am

الاخ محمد عباس السلام عليكم ياحبيب وكيف عامل مع الغربة والعلم انشاء الله تكون الامور كلها تمام
الحمد لله انا انتهيت من الماجستير ومقبل علي الدكتوراة باذن الله في منتصف هذا العام واريد ان احيطك علما بانني اصبحت مهتما جدا بامور information security and in special in the field of cryptography and iam now working in khartoum university in cryptography unit of research and also my project in MSc is the elliptic curve cryptography and i want me and my supervisor to puplish a paper in this field as soon as possiple, لذلك اريدك ان تتكرم علي بما استفدته من ماجستيرك في هذا المجال خصوصا واني اريد ان اعمل الدكتوراة فيه.اريدك ان تراسلني عبر هذا المنتدي الكريم او عبر ايميلي الخاص hassounatop@yahoo.com للاستفسار عن بعض الاشياء كما اريدك ان تفيدني في محاولة ايجاد منحة دكتوراة في جامعتكم في ماليزيا ان امكن ذلك وشكرا لك علي اهتمامك يادفعة.

محمد الفاتح حسونة
البرونزية
البرونزية

عدد الرسائل : 29
العنوان : مدني-حي ناصر
تاريخ التسجيل : 17/07/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  لينكساوي في الأحد مارس 01, 2009 6:01 pm

اخونا عبدالعظيم منور يا راجل ... كيف الامور معاك انشاء الله ميه المية (-:
ما عرفتني يا اخي بتبالغ عديييييييييييييييييييييييييييل انا المتعصب لينكساوي = محمد عباس


اخونا انجمينا انا والله هجرت كل الايميلات السابقة التي كانت على مايكروزفت "هوت ميل" وياهو ، بستعمل قوقل ميل ودا حسابي فيه تقريبا اغلب الاوقات بكون فيه :
m.abbas14270@gmail.com

دمتم بود

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  لينكساوي في الأحد مارس 01, 2009 7:55 pm

وعليكم السلام
اخونا محمد الفاتح يا رااااااااااااااااااااااااااااااااقي
الف الف مبروك على اكمال الماستر وانشاء الله دائما للامام
صراحة والله انبسط جدا من طموحك العالي اكمال الدكتوراه مباشرة وخاصة في التشفير ... خطيييييير لكن
التشفير واحد من اعقد العلوم التي عرفها الانسان لاعتماده على الرياضيات المعقدة وسرعة الحاسب الجنونية

قبل ما ابدأ اديك رأئي في موضوع التشفير ، خليني اشرح حاجات اساسية قبل الدخول فيه، نبدأ على بركة الله:

بداية، ما معنى كلمة امن المعلومات Information Security ؟

امن المعلومات يشمل جميع التخصصات اللي ممكن تحمي او تساعد في حماية البيانات ، ودا بشمل علوم كتييييييييييييييييييره مثل:

1- ادارة امن المعلومات Information Security Management
تهتم بالتطبيق الامثل للحلول الامنية
2- الامن الفيزيائي Physical Security
يهتم بالامن الفيزيائي مثل حماية المبنى من الخارج والداخل مثل الفيضانات والزلازل والكوارث الطبيعية، ايضا حماية الكمبيوتر من السرقة .... إلخ
3- التشفير Cryptography
يهتم بتحويل البيانات من شكل مقروء الى الى اخر يصعب او يستحال فهمه
4- القانون الخاص بالمعاملات الالكترونية Law and Ethics
يهتم بالتشريعات والقوانين التي تحمي الخدمات التي تتم عبر الكمبيوتر من كل ما يضر بها

وغيرها من العلوم

لو داير اتكلم عن كل واحده منهم صراحة ياخذ ايام وهي تخصصات بعينها، لكن بس خليني اوضح ليك الفكرة العامة:

التشفير راقي راقي جدا (بس معقد) وهو فرع داخل امن المعلومات ، بمعنى امن المعلومات اشمل من التشفير.
لماذا هذه المقدمة؟
هذه المقدمة اردت ان اوصل بيها معلومة وهي: ان التشفير وحده غير كافي لحماية البيانات حتى لو كانت الخوارزمية المستخدمة يستحيل كسرها بسبب أن تكون طبيقت بطريقة خاطئة او طريقة غبية ، في هذه الحالة لا فائدة من التشفير وهنا يظهر دور ادارة امن المعلومات .

صراحة حتى المتخصصين في التشفير يقولون ان ادارة امن المعلومات تساعد في فهم التشفير بطريقة افضل واحسن، لانه ببساطة لو بقيت فقط في الرياضيات -التي هي العمود الفقري للتشفير- ستتكلم فقط بالارقام الفلكية قد يكون لا منعى لها في عالم اليوم مثلا: لكسر هذه الشفرة نحتاج لي 7x10 power of 17 سنة !!!! هذا الرقم بحسابات رياضية صحيح ولكن من سيعيش هذا العمر حيث هذا الرقم اكبر من عمر الكون !!!!!!!!!!!! لو افترضنا اننا هاكر يريد كسرها

لا اقلل من مكانة التشفير - فهو الارقى في نظري- ولكن ما اقصده هنا انه لوحده لا يكفي مهما كانت قوته، فيحتاج لمواد اخرى مكمله له، واعرف بعض العلوم الاخرى تلغي عمل التشفير نهائيا وتجعله بلا فائدة فلو شفرت او لم تشفر النتيجة واحدة ساتكلم عنها لاحقا انشاء الله.

النتيجة التي كنت اريد ان اوضحها هي ان افضل بداية للتشفير هي ابدأ بي تطبيق الخوارزميات الاكثر استخداما في العالم مثل : RSA, AES, RC4,DES ستجد لها تطبيقات كثيرة في عالم اليوم وحاول كسرها والتعامل معها، بعدها ستجد انشاء الله الموضوع شيق وممتع اكثر من اللازم ومنها طور نفسك في فهم الخوارزميات المعتمدة على الرياضيات وربما انشاء خوارزميات متخصصة لك بالاستفادة من الذي تعلمته كما هو منتشر اليوم في الشركات او الوكالات المتخصصة في الامن المعلزماتي ،

البروفسور في الجامعة متخصص في التشفير يقول ان الخوارزميات الموجدة في العالم اليوم كافية وزيادة ولكن المشكلة في تطبيقها بالطريقة المثلى بمعنى الادارة للامن المعلوماتي

عشان كدا اعتقد ان ربط التشفير بي ادارة امن المعلومات سيحسن من الفهم ومنها استمر في تخصصك في التشفير ، وغالب المتخصصين في التشفير هم مستشارين ، اي اذا ارادت الدولة او شركة لها بيانات في غاية الاهمية تشفرها ، فانهم يستشاروك اي انواع التشفير افضل في هذه الحاله وانت حسب علمك تحدد

صراحة انصحك بي تقسيم الجهد 30 % للادارة و 70 % للتشفير ، وصراحة صراحة انتقل للينكس

في كتب عن ادارة امن المعلومات وكتب في السكيورتي مهمة بجمعها وبرسلها ليك انشاء الله ودا كلو في نطاق مقدمة عن التشفير


ايضا لا تستغرب من كثرة الخوارزميات فهي كالالوان الاساسية منها ثلاثة: احمر واخضر وازرق وباقي الالوان متستحدثة منها ، نفس الشئ الخوارزوميات كثير منها مستنتج من غير او تعديل لخوارزمية سابقة

الان: دعنا ندخل في موضوع التشفير كفرع متخصص:

ساسرد لك عناوين رئيسية ، التشفير ينقسم الى جزئين رئيسين:
الاول: Classical cryptography
الثاني: Modern cryptography


ابدأ الكلاسيكي مهم في فهم اساس التشفير وانتقل الى الحديث بانواعه ومعرفة الفرق بين التالي:

الاول: symmetric cryptography
الثاني: asymmetric cryptography
الثالث: Hybrid cryptography
الرابع: Hashing function


فاذا اتضح السابق بصورة واااااااااضحة من حيث فهم الخوارزمية والتعامل معها حاسوبيا ومحاولة كسرها ، حينئذ ركز بصورة اكبر على الرياضيات لان مشاكل الادارة تكون انتهت وفهمت، حيث يكون مستواك حينئذ مع الرياضيات مستوى متقدم

صراحة فهم النقاط السابقة ياخذ وقت ليس بالساهل فلا تستعجل في يوم او يومين او اسبوع خليها حبة حبة ولا تمل في نفس الوقت

ارجو ان اكون وفقت في الشرح ولو في سؤال مليون مرحب وانشاء الله لو اتذكرت اي حاجة ممكن تكون مفيدة بضيفها

نترككم في رعاية الله وحفظة

السلام عليكم

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رأيكم شنو يا جماعة

مُساهمة  لينكساوي في الأحد مارس 01, 2009 8:27 pm

بالنسبة لي المنحة والله يا ليت ، النظام هنا لو انت طالب في ماليزا سااااااااااااهل ممكن تلقى منحه للدكتوراه بدوك راتب الدراسة والاعاشة ، لانها هي علاقة بين الطالب وبين السوبرفايزر اللي اشتغلت معاه المشروع ، لو ضبطت الشغل واتكيف منك طوالي بديك، غير كدا كنت باقي على بروفسور التشفير يديني وممكن احاولو ليك، بس استقال وياهو البعرفو ، قدر الله وما شاء فعل

انا زاتي يا ياابو حميد داير اعمل الدكتوراه في التشفير، بس تاتي الرياح بما لا تشتهي السفن
كان البروفسور الكان بدرسنا التشفير من افهم المحاضرين الذين شفتهم في حياتي ، درسنا التشفير بطريقة رهييييييييييييبة و ممتعة، كنت باقي عليه اعمل معاه الدكتوراه في التشفير بس اتغيرت الاحوال، هو عندو شركة امن معلومات ماسك ماليزا كلها على حسابو ، في النهاية بعد ما درسنا التشفير الشغل كتر عليه في الشركة وقدم استالته من الجامعة، وكمان في نفس الوقت التشفير محتاج رياضيات تقيييييييييييله ، الآن الذي يدور في ذهني الاتي:

اعمل لي ماستر تاني في جامعة الخرطوم في الرياضيات وبعدها ممكن الواحد يشوف ليه شغل يجمع ليه قروش و بكون خلفيته بقت كويسة في الرياضيات وامشي اعمل الدكتوراه في ألمانيا او هولندا " افضل هولندا"، او الخيار التاني اعمل الدكتوراه في اي مجال تاني بس مش دي هوايتي ،انا افضل لي التشفير

حيران والله ما عارف ، بالنسبة لي التشفير افضل وان كان زيادة قروش وزيادة زمن ، لكن بعاين لي روحي انو عمري 23 سنة وراي شنو ، اضبط الشلانية ما دام في رغبة وعافية .

صراحة لا تبخلو علينا بالاراء السديدة محتاجها جدا

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اعطونا رايكم يا شباب

مُساهمة  انجمينا في الأحد مارس 01, 2009 9:15 pm

السلام غليكم ورحمة الله وبركاته.... واما بعد:

يا محمد عباس يا باشمهندس كيف الحال والأخبار والدنيا معاك , اريد ان استشيرك في موضوع
وهو الماجستير طرح علي اكثر من موضوع للماجستير من ضمنها software engineering ما اعرف ما هي متطلباتها وكم سنة بتاخذ لانه خالي افادني بها من حيث تحتاج للشخص عندو لغة برمجة وبعدين تكون مرتاح في العمل والباقي بعدين في الماجستير تعرف في شنو اعطني فكرة عنها وكم سنة تاخذ يا جميل, وكمان موضوع تاني اسمه BBM وهي اختصار ل bachelor business management مدة سنتين او سنة نصف(4 سمسترات مع البحث التكميلي) في عدة مجالات للتخصص في السمستر الاخير مثل net work & IT .
حاليا انا في الهند بادرس لغة انجليزي علشان بعدها اريد ابدا الماجستير ولو عندك اقتراح زيادة قول وما عندك مشكلة . يالله سيد ثقلنا عليك ولكن نرجوا منك العفو السماحة .
انا في انتظارك رد علي اوكي .
وشكرا

انجمينا
البرونزية
البرونزية

عدد الرسائل : 35
العمر : 33
تاريخ التسجيل : 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  محمد الفاتح حسونة في الثلاثاء مارس 03, 2009 4:27 pm

يا اخي محمد عباس السلام عليكم وانشاء الله تكون بكامل صحة وعافية واريد ان اشكرك جدا علي هذه النصائح الغااااالية والله.
بس كنت داير اقول ليك انو انا بديت من بدري في موضوع التشفير ومشيت فيهو كويس والحمد لله وطبقت معظم خوارزميات التشفير المعروفة واهتميت بالتفاصيل
الرياضية ليها كيفية اثباتها وكسرها رياضيا بس انا كنت داير اواصل في الحقل ده
عشان ادعم التشفير بي كم علم متعلقات بيهم ومركز اكثر علي ادارة امن المعلومات
الان الحمد لله مقبل علي فترة تحليل لبعض الخوارزميات الحديثة مثل خوارزمية ECC تحليل رياضي وحوسبي بغرض الحصول علي موضوع بحث قد ينفع انو يكون
موضوع دكتوراة بس دايرك تتكرم وتحاول تشوف لي اسماء بعض الدكاترة(ان وجدو) في جامعتك المهتمين بموضوع امن المعلومات بصورة عامة والتشفير بصورة
خاصة وتجيب لي عنهم معلومات عشان اقدر اتصل بيهم واعرض ليهم نشاطاتي الحالية وربنا يكرمك يا ابو حميد.
الان نحن نعمل علي بحث يسمي PKI(public key infrastracture)
وهو مشروع يعتبر اساس للحكومة الالكترونية ودا هو هدفي الحالي باذن الله.

محمد الفاتح حسونة
البرونزية
البرونزية

عدد الرسائل : 29
العنوان : مدني-حي ناصر
تاريخ التسجيل : 17/07/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  عبدالعظيم في الثلاثاء مارس 03, 2009 6:08 pm

اخي محمد عباس كيف احوالك انشاء الله دائما طيب
sorry i don't know this surname for you
انشاء الله امورك ماشة مية مية وربنا يوفقك ودائما للامام باذن الله
ياااااااااااا انجمينا انت في الهند ؟ وين في الهند ؟
محمد الفاتح الف مبروك الماجستير وربنا يحقق ليك امانيك وتعمل الدكتوراه انشاء الله
واماني الجميع
وين الناس
واما بعد


اللهم صلي وسلم علي سيدنا محمد بقدر من صلي عليه
وصلي وسلم علي سيدنا محمد بقدر من لم يصلي عليه

عبدالعظيم

عدد الرسائل : 6
العمر : 35
تاريخ التسجيل : 11/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  باسطه في الأحد مارس 08, 2009 10:07 am

حبيبنا منقولي ألف مبروك الوظيفة وربنا يوفقك ويزيدك علم ومعرفة وتمنياتي لكل الشباب بالتوفيق ناس الماستر وناس الدكتوراه


حنك:
يامنقولي ماتشوفلينا واسطه كده في قسم ال Security عندكم في البنك زهجنا خلاص من الغربة

مع كل الود باقة ورد،،
avatar
باسطه
الرتبة الذهبية
الرتبة الذهبية

عدد الرسائل : 218
العمر : 33
العنوان : مدني - حي مايو ونص
تاريخ التسجيل : 11/07/2007

معاينة صفحة البيانات الشخصي للعضو http://www.quest.net

الرجوع الى أعلى الصفحة اذهب الى الأسفل

رد: الف مبرووووك

مُساهمة  لينكساوي في الإثنين مارس 09, 2009 8:30 am

شباب آسف على التأخير والله مضغووووووووووووووووط امتحانات ومشاريع .... دعواتكم بس

اخونا انجيمينا ... حسب خبرتي البسيطة هندسة البرمجيات افضل ومش مشكلة ايش عارف ولا ما عارف بدرسوك كل حاجة تحتاجها في البرنامج ... وكمان لو لقيت كلية تهتم بالامن البرمجي معاها بكون افضل وفي برنامج تاني اسمه MBA ان تكون مدير لشركة او بنك او مستشفى حسب تخصصك بس كلام ونقة ساااااااااااااي ما في عملي

اخونا محمد الفاتح بالتوفيق انشاء الله يا راجل ورسلت ليك في الايميل راجع الايميل

اخونا عبده اتو الاتنين في الهند وما عارفين وين ... الحق صاحبنا وما تقصر معاه

اخونا محمد تاج منووووووووور يا راجل ووين الانقطاعة دي ... وداير تجي السودان ... انا هنا في ماليزا احسن لي من السودان ... كيف لو لقيت السعودية ؟؟؟؟؟


ربنا يدينا ويدينا العافية وما تنسونا يا شباب من الدعوات

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

هلا بالغالين

مُساهمة  منقولي في الثلاثاء مارس 10, 2009 2:03 pm

شباب زي الدكوه...
الف مرحب والله..
والله مليتو قلبي تلج(دي من اثلجتم صدورنا طبعا) بكلامكم وتعابيركم الارقي من اوكامبو الكلب...
الف شكر علي المباركات واتمني والله من كل قلبي دوام التوفيق للشباب اهل دفعتي ونري رايه 25 حاسوب خفاقه انشاء الله
في كل الدول الاسيويه(ماليزيا)...ودول الشرق الادني والاقصي(الهند) ...واخواننا في ارض الله المختاره(السعوديه)...واخواننا المرابطين في ثغور القضارف وكسلا والنقطه التي تقابلها من خطوط الكنتور عند غرب السودان (الفاشر) مرورا بالمناقله الكرام ونحنا داخلين علي مدني نغشي حنتوب وندي طله للقسم الاول ونعرج علي دردق حي ناصر كمان ماننسي المنيره بلد الباميه واللقد الحنينه ,,,نصل برضو الكريبه وندي سلامنا الاااااف للطالباب ونحنا داخلين ع الخرطوم نسلم علي ناس امبده السبيل ونواصل طوااااااااااااااااااااااااااااااااااااااااااااااااااااااااااالي للجرافه ونرجع نخش الثورات نتلب الكبري وتجوني في بنك السودان عشان اقول ليكم نبارك ليكم الوليد والبكاري انشاء الله....

مشكور ياحبيبي وقدوتي في درب العلم اخونا العويلم:محمد الفاتح وياربي نشوفك في مكانك "الطبيعي" قريب انشاء الله.
تسلم يارفيق غرفتي ومشوار العمر القاسي في الداخليات من الالف الي الياء حسن شاد....والف مبروك وصولك ماليزيا واليك بعض النصائح المهمه:
لاتكثر من اكل اللحوم "البيضاء" خصوصا الفراخ لانو الزول لو اتعود علي "اكلو" مابخليو وهناك الظروف الاقتصاديه صعبه وانت اصلا متعود علي "الدوم" بتاع المناقل تقوم تمشي تقلب طوالي لحم فراخ ابيض دي العوجه زااااااااااااتها يااخوي.

الف مبروك مقدما الماجستير ....وهندسه البرمجيات مافيها كلام ياحبيب ابقي داخل بس.
عظمه وقيافه ...اما بعد..
انا واخوي الجميعابي حضرنا لينا فيلم هندي قبل فتره اسمو "ريس" البطل قال للبطله :اما بعد انتي لو جيتيني انا بحولك ولو ماحولتك مهبات نهي وتاني بقوليك اما بعد....وبعد تحري اتضح انو ساكن جارك في الشقه..
طمنا عليك ياراقي وادرش العلم عشان ننفك من عقده الجهل المعلوماتي المصاحبانا ياحبيب ومنكم نستفيد.
باسطتي وبسبوسه حناني....والله مشتاق ليك بعدد كل لعنه صدرت من قلب سوداني حر لاوكامبو الكلب...وينك انت ياذوق ...ماليك حق والله تموتنا بي وراك...دا انا حنيييييييييييين ومابقدر علي فراقك.....ابقي ظاهر وماتطول.
لينكساوي....ملك العلم والعمل والسمك الماليزي...كيف خبر "الصير"معاك ...ياحبيب تعال علينا والله كان اتعودت علي البلد ديك تاني الايجيبوك بالانتربول وعم عباس المسكين يغني وااااااااااسفاي علي لينكسااااااااااااااااااي....
كيف احوالك ياراقي؟؟؟
وماوريتنا وصلت حدي وين في الدراسه علشان نكون مواكبين معاك؟؟؟
وخبر الصومالي واليمني شنو؟؟؟ سلم عليهم بالله...

واخيرا....حقيقه فرحت ايما فرح بانتعاش المنتدي من جديد وبدايه عودته الي سابق عهده واتمني ان يظل هكذا ويتطور اكثر فاكثر...عموما
الف شكر وتحيه للشباب البختوهم في الجرح يطيبو والله ولنا لقاءات انشاء الله.


منقله اخيره:
القصيره نفر ياااااااااااااااااااااا.
avatar
منقولي
الرتبة الذهبية
الرتبة الذهبية

عدد الرسائل : 241
العمر : 32
العنوان : الخرطوم-الكلاكله ابوادم-م5-منزل 81
تاريخ التسجيل : 26/06/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الدومه جاااااااكم

مُساهمة  noor في الثلاثاء مارس 10, 2009 4:28 pm

شباب زي ماء الورد
احلي واندي تحيه للشباب الحلوين.....
والله اللمه حلوه ومابتنفات.....ناس طولنا منهم كتييييير
محمد عباس..
عبدالعظيم...
باسطه...
حسن انجمينا....
وكل الشباب الاروع علي امتداد البسيطه
الذين يحملون نبراس 25 ليضيئوا به ظلمات الهم والغم...
محمد عبدالرحيم الدومه يرسل اليكم اشواقه الجمه ويتمني ان يكون الجميع بخير...
نهنئ محمد عوض المنقولي بمناسبه الوظيفه الجديده ونتمني ان نبارك ليهو الكبيره.....القصيره انا ماشي معاك.
وطبعا ياشباب اخوكم نازل برلوم جدييييد كرت ماستر جامعه الخرطوم -في علوم الحاسوب والزنقه حاصله وبكره عندي امتحان جافا وناقصانا الدعوات بس الحقونااااا............
ادونا خاطركم وبعدا حنعمل ليكم وجع وش شديد بس ساعدونا بالصبر....

دومه اخيره:
مامعني كلمه "دوم" ياجميعابي؟؟؟؟؟؟؟
avatar
noor

عدد الرسائل : 3
العمر : 34
تاريخ التسجيل : 10/03/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  انجمينا في الجمعة مارس 13, 2009 5:29 pm

ششكراً يا محمد عباس ويديك العافية وانشاء الله ربنا يسهل عليك الامتحانات وتجتازها بالمائة بالمائة
وبالتوفيق .......... مع تحياتي لك


يا مستر عظمة شكرا على السؤال يديك العافية حاليا في الهند في مدينة bangalore
طيب ادينا اخبارك عامل شنو مع الحياة الصعبة .......... انا في انتظار اسمع اخبار واخبار بقية شباب المناقل محمد سعيد وابراهيم النور وكل الشباب ........


شنو باسطة قاطع مويه كهربه ولا احم ولا دستور انشاء الله مسج مس كول اي حاجة لكن ما مشكلة زي قال فرفور احبارك يا الطيب وكيف العمل معاك مية مية وباللحمة مية المية "الخوض نفر يا جماعة"...


يأأأأأأأأأأأأأأأأأأأأأأأأأأأأأأأأأأأأ ادوما الف مبروك بداية الماستر وانشاء الله بالتوفيق يا فرده شد حيلك وكمان ما تنقطع من المنتدى ياحبيبي ووحمد الله على السلامة تسجيلك في المنتدى يا سيد يبقى نتلاقى في المنتدى .......ز

يامنقا السعة كم هسع شنو يامعلم شايفك منتعش انشاء الله بنيت السيف.................................ون وبالتوفيق ياحبيبي وسلم كمان على الصيرة...........زز
يا ود الفاتح انشاء الله مزيدا من التقدم والتوفيق وللامام دوما ياكلمبو بس ما تنقطع عنا ابق اسئل وما تعمل نايم ................

يا بطانية الدنيا صقط نعمل ايه...........................ز والله مشعلقين كتير وين انت يا راجل ياكبير اتخليت عني في الظروف الصعبة بقيت ما تحبني زي زمان ............. اخبارك وكيف القضارف وربك عارف ................


التحية للدفعة 25 من هنا (الهند ) الى ما لا نهاية ...............

انجمينا
البرونزية
البرونزية

عدد الرسائل : 35
العمر : 33
تاريخ التسجيل : 04/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: الف مبرووووك

مُساهمة  محمد الجميعابي في الجمعة مارس 20, 2009 4:51 pm

مبرووك للمنقة البشبه المنقة المنقولي الوظيفة في بنك السودان المركزي و تستاهل اكتر من كدة يا رفيق عمري ...
شآءت الاقدار ان تفرق بيننا و لكن لا انساك ابدا
فدمت لي اخا و صديقا ورفيقا ومنقوليا هههه
كل ما نشتل الافراح تجي الغنماية تاكلها ... ولاشنو يا منقة وزي ما قال مجذوب اونسة "اقدار يانور عيني انا كنت فاكرك لي"
طبت و طاب ممشاك ووفقك الله وادام الود بيننا يا اعز عزيز .. حتوحشنا و حتوحش القضارف كلها ههههههه NOT Yet يعني لسه ..
.................
حبيبنا مهند اها طمنا عليك خبرك شنو ووصلت الهند ولا لسه ؟؟؟ عظمة الزول ده جاك ؟؟؟ واما بعد
حسن تشاد من ماليزيا سلامات بقدر روعة 3 حروف بينك و بين المرمور عسلاية اها الخبر شنو ؟؟؟
لينكساوي ود عباس اخبارك ان شاء الله الامور تمام ... نسيتونا بالسرعة دي ؟؟؟
باسطة ... محمد تاج الدين وينك يا راجل شنو السعودية دي مسكتك ؟؟؟ اخبارك شنو ...
ماعندي اقوال بقولها سوى ربنا يوفقكم ولمتكم حلوة و نتمنى انو الناس ترجع زي زمان تتلمى تاني وبالمناسبة دي ببارك للعيكودي الوظيفة في المعلوماتية و الى الامام دوما يا مرمور ...
في ناس كده قلنا نديهم هبشة لكن الهبش على مسؤلية صاحبه و لا شنو يا ناس ... قالو القضارف مويتها كعبة و تعمل كلى و الحقونا يا البقيتو دكاترة ....
......................
الدومة وينك يا فردة خبرك و صحتك ... انت عارف الدوم بيختلف وزي ما قال لي جدي زمان الدوم تفاح الرجال هههه طيب بعض العلاقات عن دوم سكول و دوم الاعدادية ... دوم اسكول بروفات و دوم حاسوب برضو خفس ... في علاقات تانية لكن لايسعني الوقت سوى ان اشكر جميع القائمين على امر هذا المنتدى من الوزير و حتي الغفير و اقول "يااوكامبو يا عميل المنقولي في البرميل"

_________________
Change Your Life ... Get Seven
avatar
محمد الجميعابي
الرتبة الذهبية
الرتبة الذهبية

عدد الرسائل : 300
العنوان : الكاملين مربع 5 حي المعمورة
تاريخ التسجيل : 01/07/2007

معاينة صفحة البيانات الشخصي للعضو http://www.adobe.com

الرجوع الى أعلى الصفحة اذهب الى الأسفل

رد: الف مبرووووك

مُساهمة  MOHAMEDALI في الإثنين مارس 23, 2009 2:30 pm

اهني منقولي علي الوظيفة الجديدة
واحيه تحيه طيبة
وفقك الله يا منقلا
وسدد خطاك
واحي كل الشباب في الخارج والداخل
واقول ليكم سلام كتير بلا حدود لكل الدفعة
وربنا يوفق الجميع
المشتاق دوماً
هبيكـــــــــــــــــــــــــــــــــــــــــــــــــــــــــــــــــــــــــــــــــــــــة
avatar
MOHAMEDALI
البرونزية
البرونزية

عدد الرسائل : 64
العمر : 33
العنوان : الهبيكة_الكاملين
تاريخ التسجيل : 24/07/2007

معاينة صفحة البيانات الشخصي للعضو http://www.4shared.com/account/dir/5943046/3103df3/sharing.html

الرجوع الى أعلى الصفحة اذهب الى الأسفل

رد: الف مبرووووك

مُساهمة  لينكساوي في الأحد أبريل 12, 2009 7:40 pm

منقولي كتب:
لينكساوي....ملك العلم والعمل والسمك الماليزي...كيف خبر "الصير"معاك ...ياحبيب تعال علينا والله كان اتعودت علي البلد ديك تاني الايجيبوك بالانتربول وعم عباس المسكين يغني وااااااااااسفاي علي لينكسااااااااااااااااااي....

خطأ مطبعي ، التصحيح

لينكساوي ملك الفسيخ والبطيخ :-x

والله يا منقه السودان سمح وما بتفات واتحداك لو تلقى ليك بلد في العالم احسن منو ، بس للاسف لو ما جيبك ملان وخالك اب شنب خاتي الصقر في الكتف ومعاو دبورتين امورك ما بتتحرك شبر "دا الشرد الناس"
معاكسة X معاكسة

حبيبنا الاخ جيمي والله عصرة بس ، ضغطة لمن غلط ، انت دايما في الذكرة ساموحنا بس

يديك العافية يا ابو حميد وربنا يوفقك والله في مشوراك الجديد ودا والله احسن خيار وعمل

تحياتنا لكل افراد الدفعه بالتوفيق والسداد

لينكساوي
البرونزية
البرونزية

عدد الرسائل : 94
تاريخ التسجيل : 04/02/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى